Madine Ko Jaayein Ye Jee Chaahta Hai

Kalaam of Behzad Lakhnavi

Madine Ko Jaayein Ye Jee Chaahta Hai
Muqaddar Banayein Ye Jee Chaahta Hai.

Madine Ke Aaqa Do Aalam Ke Maula
Tere Paas Aayein Ye Jee Chaahta Hai.

Jahan Dono Aalam Hain Mehve Tamanna
Wahan Sar Jhukayein Ye Jee Chaahta Hai.

Muhammad Ki Baatein Muhammad Ki Seerath
Sunein Aur Sunayein Ye Jee Chaahta Hai.

Dilon Se Jo Nikle Dayaare Nabi Me
Sunein Wo Sadaayein Ye Jee Chaahta Hai.

Pohonch Jaayein Behzad Jab Ham Madine
To Khud Ko Na Paayein Ye Jee Chaahta Hai.