Dam Hama Dam Dam Hussain

Dam Hama Dam Dam Hussain

Dam Hama Dam Dam Hussain Ya Ali Maula Hussain
Rooh Ka Sargam Hussain Ya Ali Maula Hussain.

Aapki Tanveer Ke Saamne Haq Ki Qasam
Chand Hai Maddham Hussain Ya Ali Maula Hussain.

Aabla Paa Zindagi Zakhm Zada Har Khushi
Pyaar Ka Marham Hussain Ya Ali Maula Hussain.

Haq Ke Liye Dedi Jaan Mu Se Nahi Nikli Haan
Sar Na Hua Kham Hussain Ya Ali Maula Hussain.

Aapke Sadqe Raha Sabz Shugufta Sada
Deen Ka Mausam Hussain Ya Ali Maula Hussain.

Muarkaye Karbala Khatm Bhala Kab Hua
Jang Hai Paiham Hussain Ya Ali Maula Hussain.

Aur Kisi Se Bhala Humko Hai Kya Waasta
Aapke Hain Ham Hussain Ya Ali Maula Hussain.

Qalb -O- Jigar Taar Taar Lutf -O- Karam Ek Baar
Door Ho Har Gham Hussain Ya Ali Maula Hussain.

Dil Me Hai Yaade Nabi Saanson Me Zikre Ali
Lab Pe Dama Dam Hussain Ya Ali Maula Hussain.

Past Hoon Adna Hoon Mai Aapka Mangta Hoon Mai
Hai Yehi Kya Kam Hussain Ya Ali Maula Hussain.

Karke Manaqib Raqam Roye Asad Ka Qalam
Lafz Hain Purnam Hussain Ya Ali Maula Hussain.