Wo Noor Banke Dilon Me Samaaye Jaate Hain

Wo Noor Banke Dilon Me Samaaye Jaate Hain

Wo Noor Banke Dilon Me Samaaye Jaate Hain
Rasoole Paak Do Aalam Pe Chaaye Jaate Hain.

Idhar Jafaon Ke Kaante Bichaaye Jaate Hain
Udhar Rasoole Khuda Muskuraaye Jaate Hain.

Maqaame Rab Aur Shahe Umam Na Pooch Aye Dil
Khayaal Ke Bhi Qadam Dagmagaye Jaate Hain.

Amal Charagh Hai Raahe Najaat Ke Lekin
Charagh Khud Nahi Jalte Jalaye Jaate Hain.

Bas Itna Farq Hai Kaabe Me Aur Taiba Me
Wahan Pe Sar To Yahan Dil Jhukaye Jaate Hain.

Khuda Kare Ke Hamara Bhi Unme Naam Aaye
Jo Khush Naseeb Madina Bulaye Jaate Hain.

Hussain Ho Ke Omer Ho Bilal Ho Ke Ali
Nabi Ke Ishq Me Sab Aazmaye Jaate Hain.