Aye Khatme Rusul Makki Madani

Kalaam of Fana Buland Shehri Sahab

Tazeem Se Leta Khuda Naame Muhammad
Kya Naam Hai Aye Salle Alaa Naame Muhammad
Allah Kare Uspe Haraam Aatishe Dozakh
Jis Shaqs Ke Ho Dil Pe Likha Naame Muhammad

Allah Kitne Arshado Amjad Hain Mustafa
Dono Jahan Ka Maaniyo Maqsad Hain Mustafa
Milta Hai Kitna Rabbe Do Aalam Se Unka Naam
Mahmood Hai Khuda To Muhammad Hain Mustafa.

Khuda Ka Noor Tujhme Hubahu Hai
Khuda Pinhaan Magar Tu Rubaru Hai
Teri Azmath Ka Ho Andaza Kisko
Khuda Hai Aur Khuda Ke Baad Tu Hai.

Madine Waale Ka Jo Bhi Ghulam Hojaye
Qasam Khuda Ki Wo Aali Maqam Hojaye
Nabi Ke Ishq Ka Jis Dil Me Daagh Raushan Ho
To Uspe Aatishe Dozakh Haraam on exHojaye.

Aye Khatme Rusul Makki Madani
Kaunain Me Tumsa Koi Nahi

Aye Khatme Rusul
Sayyade Makki Madani

Girah...
Na Hua Aapsa Paida Koi Mumtaz Nabi
Marhaba Sayyade Makki Madani Ul Arabi.

Masnad Nasheene Aalame Imkaan Tumhi To Ho
Iss Anjuman Ki Shamme Farozaan Tumhi To Ho.

Chehra Tera Quran Hai Quran Ke Sadqe
Aye Maalike Aalam Mai Teri Shaan Ke Sadqe.

Aye Khatme Rusul Makki Madani
Kaunain Me Tumsa Koi Nahi
Aye Noore Mujassam Tere Siwa
Mahboob Khuda Ka Koi Nahi.

Tumsa Koi Nahi
Tumsa Koi Nahi

Girah...
Yoon To Saare Nabi Mohtaram Hain Magar
Tumsa Koi Nahi

Yoon To Yousuf Bhi Hai Isaa Bhi Hai Moosa Bhi Magar

Rasool Aur Bhi Aaye Jahan Me Lekin
Tumsa Koi Nahi

Phire Zamane Me Chaar Janib
Nigahe Yakta Tumhi Ko Dekha
Haseen Dekhe Jameel Dekhe
Par Ek Tumsa Tumhi Ko Dekha.

Aam Hain Rehmatein Zamane Par
Rehmaton Ka Koi Hisaab Nahi
Tere Qurban Ya Rasoolallah
Tera Kaunain Me Jawaab Nahi.

Tumhara Saani Risalath Ma'ab Ho Na Saka
Tumhara Koi Kahin Bhi Jawaab Ho Na Saka.
Rasool Aur Bhi Aaye Jahan Me Lekin
Koi Bhi Saahibe Ummul Kitaab Ho Na Saka

Mai Kya Bataun Ke Tum Kya Ho Ya Habeeballah
Haseen Jameel Maleeh Wajeeh Zillallah
Jo Badr Chehra Tha Wallail Hai Ye Zulfe Siyaah
Khatat Kalaame Kaleemo Rukhat Kalaamullah
Che Qad Che Rukh Che Jabeen Laa Ilaaha Illallah.

Sher...
Ye Shaan Tumhari Hai Aaqa
Tum Arshe Bareen Par Pohonche Ho
Zeeshan Nabi Hain Sab Lekin
Meraj Ka Dulha Koi Nahi.

Dil Kisko Dikhayen Cheer Ke Ham
Isiyan Ka Madawa Kaun Kare
Aye Rehmate Aalam Tere Siwa
Dukhiyon Ka Maseeha Koi Nahi.

Ausaaf To Sab Ne Paaye Hain
Par Husn Me Tum Sa Koi Nahi
Aadam Se Janabe Isaa Tak
Sarkar Ke Jaisa Koi Nahi.

Khairat Muhammad Se Paakar
Iss Naaz Se Kehte Hain Mangte
Dukhiyon Pe Karam Karne Waala
Sarkar Se Accha Koi Nahi.

Maalik Hain Wo Dono Aalam Ke
Har Zarra Munawwar Hai Unse
Tanweer -E- Mujassam Sayyade Kul
Aaqa Ke Alawa Koi Nahi.

Hojaye Agar Ek Chashme Karam
Mehshar Me Fanaa Ki Laaj Rahe
Aye Shafaye Mehshar Tere Siwa
Baqshish Ka Wasila Koi Nahi.

Hojaye Chashme Karam
Hojaye Chashme Karam

Girah...
Ilaaj Ki Nahi Haajat Dilo Jigar Ke Liye
Bas Ek Nazar Teri Kaafi Hai Umr Bhar Ke Liye.

Chashme Rehmath Ba Kusha
Sooe Manlandaze Nazar
Aye Quraishi Laqabo
Hashmi -O- Muttalabi.