Allah Allah Nabi Ka Gharana

Allah Allah Nabi Ka Gharana

Allah Allah Nabi Ka Gharana
Ye Gharana Wara Ul Wara Hai
Isme Hasnain Hai Fatima Hai
Iss Gharane Me Mushkil Kusha Hai.

Khair Se Tumhi Khairul Wara Ho
Aur Tumhi Sayyadul Ambiya Ho
Koi Tumsa Hua Hai Na Hoga
Mere Rab Ka Yehi Faisla Hai.

Lab Pe Tazkiraye Panjatan Hai
Phool Mehke Hai Mere Chaman Ke
Aisa Unke Karam Ne Nawaza
Apni Qismath Pe Dil Jhoomta Hai.

Ummati Hoon Mai Shahe Zaman Ka
Hoon Bhikari Mai Maula Hasan Ka
Sadqe Jaaun Mai Unki Ata Par
Dene Waale Ne Sab Kuch Diya Hai.

Naam Par Tere Sab Kuch Mila Hai
Naam Par Tere Sab Kuch Fida Hai
Naam Par Tere Qurban Jaaun
Ham Gharibon Ka Tu Aasra Hai.

Mera Bhi Hai Koi Duniya Waalon
Besahara Mujhe Tum Na Samjho
Saath Mere Mera Peshwa Hai
Mera Rab Hai Mera Mustafa Hai.

Laaj Rakhlo Gada -E- Karam Ki
Bhardo Aaqa Hamari Bhi Jholi
Koi Ye Na Kahe Kamli Waale
Teri Mehfil Se Khaali Gaya Hai.

Kaba -E- Ishq Ka Hoon Namazi
Mai Hoon Unki Enayath Pe Raazi
Meri Turbath Pe Likhna Niyazi
Panjatan Ka Ye Adna Gada Hai.