Ham Dare Aaqa Pe Sar Apna Jhukalete Hain

Ham Dare Aaqa Pe Sar Apna Jhukalete Hain

Ham Dare Aaqa Pe Sar Apna Jhukalete Hain
Sach Batana Are Duniya Tera Kya Lete Hain.

Usko Aankhon Pe Bithaate Hain Zamane Waale
Jisko Mehboobe Khuda Apna Bana Lete Hain.

Waqt Ki Qaid Nahi Hai Ye Karam Ki Baatein
Jab Bhi Sarkar Ki Marzi Ho Bulalete Hain.

Gham Ke Maaron Ka Tabeebon Na Karo Koi Ilaaj
Ham Ghame Ishqe Nabi Me Bhi Maza Lete Hain.

Pattharon Tum To Ho Patthar Magar Aaqa Mere
Tum Se Gar Chahen To Kalma Bhi Padha Lete Hain.

Jab Nahi Milti Kahin Se Bhi Sukoon Ki Daulat
Teri Mehfil Tere Deewane Saja Lete Hain.

Ye Bhi Sarkar Ki Rehmath Hai Karam Hai Unka
Ham Jahan Jaayen Wahan Rang Jama Lete Hain.

Gumbade Khazra Khuda Tujhko Salamat Rakhe
Dekh Lete Hain Tujhe Pyaas Bujha Lete Hain.

Jab Se Dekha Hai Niyazi Wo Riyazul Jannat
Ham To Ghar Baithe Hi Jannat Ka Maza Lete Hain.