Barson Guzargaye Hain Nazar Aaiye Huzoor

Barson Guzargaye Hain Nazar Aaiye Huzoor

Barson Guzargaye Hain Nazar Aaiye Huzoor
Nazre Karam Idhar Bhi To Farmaiye Huzoor.

Aankhein Bhi Aur Dil Bhi Dono Hi Muntazir
Aankhon Ki Raah Dil Me Utar Aaiye Huzoor.

Dil Sard Padgaya Hai Judai Se Aapki
Iss Dil Ko Soze Baqsh Se Garmaiye Huzoor.

Mehman Do Ghadi Ka Hai Beemar Aapka
Ruk Jaaiye Huzoor Theher Jaiye Huzoor.

Maana Nahi Hai Aapki Shayaane Shaan Ye Baat
Phir Bhi Kabhi Ghareeb Ke Ghar Aaiyye Huzoor.

Moosa Nahi Hoon Mai Na Yahan Kohe Toor Hai
Jalwon Me Apne Noor Ko Barsaiye Huzoor.

Kamil Tumhari Deed Ko Tarsa Hai Umr Bhar
Lillah Isko Aur Na Tarsaiye Huzoor.