Sarkar Ghulamon Ko Kuch Aaj Ataa Karna

Kalaam of Pasha Miyan

Sarkar Ghulamon Ko Kuch Aaj Ataa Karna
Sadqa Teri Choukhat Ka Mangton Ka Bhala Karna.

Kab Tak Yoon Judai Ke Ham Sadme Saha Karna
Bhoole Se Kabhi Darshan Ham Ko Bhi Diya Karna.

Naakarah Sahi Phir Bhi Wabasta Hoon Tumse Hi
Qadmon Se Kabhi Apne Mujhko Na Juda Karna.

Lipta Rahun Daaman Se Doori Na Ho Qadmon Se
Kuch Aisa Karam Mujhpar Har Haal Raha Karna.

Ye Shaan Tumhari Hai Aur Sirf Tumhari Hai
Aata Hai Kise Aisa Mu Maange Diya Karna.

Beemar -E- Muhabbat Sab Mushtaqe Ziyarath Hain
Ek Jalwaye Ranaai Aye Maahe Laqa Karna.

Khwaja Ki Ghulami Me Aarif Hai Teri Izzath
Wabasta -E- Daman Tu Har Waqt Raha Karna.