Zikre Ahmed Se Seena Saja Hai

Zikre Ahmed Se Seena Saja Hai

Zikre Ahmed Se Seena Saja Hai
Ishq Hai Ye Tamasha Nahi Hai
Wo Bhi Dil Koi Dil Hai Jahan Me
Jisme Tasveere Taiba Nahi Hai.

Aye Meri Maut Ruk Jaa Abhi Tu
Phir Chalenge Jahan Tu Kahegi
Apne Mashqe Tasawwur Me Taiba
Maine Jee Bhar Ke Dekha Nahi Hai.

Ham Hussaini Hai Karbal Ke Shaida
Dil Kabhi Bhi Na Hota Hai Maila
Kufr Ki Dhamkiyon Se Dare Jo
Aashiqon Ka Kaleja Nahi Hai.

Hajj Ki Daulat Jise Mil Na Paaye
Jaaye Jaaye Wo Ghar Apne Jaaye
Maa Ke Qadmon Ko Wo Choomle Jo
Sange Aswad Ko Chooma Nahi Hai.

Laa Makaan Tak Hai Teri Rasaai
Geet Gaati Hai Saari Khudaai
Wo Jagah Hi Nahi Do Jahan Me
Jis Jagah Tera Charcha Nahi Hai.

Khaake Paaye Nabi Mu Pe Malna
Itar Ho Mustafa Ka Paseena
Unki Chadar Ka Tukda Kafan Ho
Aur Koi Tamanna Nahi Hai.