Khuda Ka Zikr Karein Zikre Mustafa

Kalaam of Adeeb Raipuri Sahab

Khuda Ka Zikr Karein Zikre Mustafa Na Karein
Hamare Mu Me Ho Aisi Zubaan Khuda Na Kare.

Dare Rasool Pe Aisa Kabhi Nahi Dekha
Koi Sawaal Kare Aur Wo Ataa Na Kare.

Madina Ja Ke Nikalna Na Shehr Se Bahar
Khuda Na Khwasta Ye Zindagi Wafa Na Kare.

Nabi Ke Qadmon Pe Jis Dam Ghulam Ka Sar Ho
Qaza Se Kehdo Ke Ek Lamha Bhi Qaza Na Kare.

Aseer Jisko Bana Kar Rakhein Madine Me
Tamaam Umr Rihayi Ki Wo Dua Na Kare.

Kaha Khuda Ne Shafa'at Ki Baat Mehshar Me
Pehel Habeeb Kare Koi Doosra Na Kare.

Shaoor -E- Naat Bhi Ho Aur Zubaan Bhi Ho Adeeb
Wo Aadmi Nahi Jo Inka Haq Adaa Na Kare.