Jahan Bhi Ho Wahin Se Do Sada

Kalaam of Muzaffar Warsi Sahab

Jahan Bhi Ho Wahin Se Do Sada Sarkar Sunte Hain
Sare Aaina Sunte Hain Pase Deewar Sunte Hain.
Meri Har Saans Unke Aahaton Ke Saath Chalti Hai
Mere Dil Ke Dhadakne Ki Bhi Wo Raftaar Sunte Hain.

Khade Rehte Hain Ahle Taqt Bhi Dehleez Par Unki
Faqeeron Ki Sadayen Bhi Shahe Abraar Sunte Hain.

Gunahgaron Duroode Walihana Bhej Kar Dekho
Wo Apne Ummati Ka Naghmaye Kirdaar Sunte Hain.

Mai Sadqe Jaaun Unki Rahmatallill Aalamini Ke
Pukaaro Chahe Jitni Baar Wo Har Baar Sunte Hain.

Wo Yoon Milte Hain Jaise Zindagi Me Koi Milta Hai
Wo Sunte Hain Har Ek Ki Aur Sare Darbaar Sunte Hain.

Muzaffar Jab Kisi Mehfil Me Unki Naat Padhta Hoon
Mera Imaan Hai Wo Bhi Mere Ash'aar Sunte Hain.