Mere Banne Ki Baat Na Pucho

Kalaam of Hazrath Shaikhain Ahmed Shuttari (Kamil) R.a

Inayath Hi Inayath Hai Muhammad Mustafa Apne
Khuda Ki Khaas Rehmath Hai Muhammad Mustafa Apne
Nazar Hat'ti Nahi Altaf Chehre Se Shahe Deen Ke
Sarapa Shaane Qudrat Hain Muhammad Mustafa Apne
--------------------

Mere Banne Ki Baat Na Pucho
Mera Banna Hariyala Hai
Khusrawe Khooban Sarware Aalam
Taaje Shafa'at Waala Hai.

Girah...
Husne Yousuf Dame Isaa Yade Baiza Daari
Umche Khooban Hama Daarand To Tanha Daari.

Sher...
Man Mohan Bohtere Hi Dekhe
Aisa To Dekha Na Bhaala Hai
Dono Jagat Ko Loot Ke Baitha
Phir Bhi Bhola Bhaala Hai.

Husn Ke Charche Uske Hi Dam Se
Raunaqe Aalam Uske Qadam Se
Noor Ke Saanche Me Qudrath Ne
Usko Kuch Aisa Daala Hai.

Phaila Hua Hai Damane Rehmath
Kitni Khush Qismat Hai Ye Ummat
Saare Gunahgaaron Par Usne
Kamli Ka Parda Daala Hai.

Girah...
Ba Maidane Mehshar Tamasha Ye Hoga
Har Insaan Kahega Wahan Nafsi Nafsi
Muhammad Ka Jab Tak Ishara Na Hoga
Gunahgaar Jannat Me Jaa Na Sakeinge.

Ghaare Hiraa Se Nikle Shariyath Liye Hue
Kooe Saba Pe Pohonche Tariqat Liye Hue
Duniya Me Bhi Muqeem Hain Rehmath Liye Hue
Mehshar Me Bhi Raheinge Shafa'at Liye Hue.

Khaali Nabi Ka Hashr Me Waada Na Jaayega
Jab Tak Har Ek Ummati Baqsha Na Jaayega
Kyun Ke Rasoole Paak Se Dekha Na Jaayega
Dozakh Me Mai To Kya Mera Saaya Na Jaayega.

Sher...
Uspe Nazar Jab Jamjaati Hai
Phir Nahi Jachta Koi Nazar Me
Jisne Nazar Paayi Hai Unchi
Japta Usi Ki Maala Hai.

Aise Bhare Paimane Hain
Mustaqirad Maikhane Hain
Aankhon Me Aankhein Mere Banne Ki
Kaun Aisa Matwaala Hai.

Girah...
Chand Sa Chehra Aankh Ghizali
Shaahon Gada Sab Dar Ke Sawaali
Markaze Khilqat Rauze Ki Jaali
Misle Bashar Ye Kaun Bashar Hai.

Sher...
Nabi Wali Sab Unke Baraati
Kis Me Uski Baat Hai Aati
Kamil Mera Raaj Dulaara
Sabse Arfa –O- Aala Hai.