Mehboob Ki Mehfil Ko Mehboob Sajate Hain

Mehboob Ki Mehfil Ko Mehboob Sajate Hain

Mehboob Ki Mehfil Ko Mehboob Sajate Hain
Aate Hain Wohi Jinko Sarkar Bulaate Hain

Wo Log Khuda Shahid Qismat Ke Sikandar Hain
Jo Sarware Aalam Ka Milad Manaate Hain.

Aaqa Ki Sana Khwani Dar Asl Ibadath Hai
Ham Naat Ki Surat Me Quran Sunaate Hain.

Jin Ka Bhari Duniya Me Koi Bhi Nahi Waali
Unko Bhi Mere Aaqa Seene Se Lagate Hain.

Jo Sarware Aalam Ko Lajpaal Samajhte Hain
Damaane Talab Bhar Kar Mehfil Se Wo Jaate Hain.

Mai Khwaaro Chale Jaana Maikhanaye Sarwar Me
Wo Jaame Talab Sab Ko Bhar Bhar Ke Pilaate Hain.

Allah Ke Khazanon Ke Malik Hain Nabi Sarwar
Ye Sach Hai Niyazi Ham Sarkar Ka Khaate Hain.