Tere Dar Ka Mai Gada Hoon

Tere Dar Ka Mai Gada Hoon

Tere Dar Ka Mai Gada Hoon
Tera Aastaan Saqi Hai
Meri Zindagi Ka Haasil
Tere Dar Ki Haazri Hai.

Tu Jahan Ka Badshah Hai
Mai Faqeere Benawa Hoon
Meri Khaali Jholi Bharde
Tere Ghar Me Kya Kami Hai

Ye Teri Nawazishein Hain
Mujhe Dar Pe Hai Bulaya
Mai Samajhgaya Yaqeenan
Meri Bigdi Banrahi Hai.

Lajpaal Faize Aalam
Tera Faiz Hai Jahan Me
Teri Ek Nazar Pe Qurban
Meri Saari Zindagi Hai.

Teri Ishq Me Ibadath
Mujhe Raaz Aagayi Hai
Tera Naam Hai Wazifa
Teri Yaad Bandagi Hai.

Tere Dar Pe Sajde Karna
Tujhe Yaad Karke Rona
Hai Yehi Meri Ibadath
Yehi Meri Bandagi Hai.

Tujhe Kya Khabar Hai Zahid
Meri Sajda Reziyon Ki
Mera Sar Wahan Jhuka Hai
Jahan Khatm Bandagi Hai.

Ye Sahi Ke Pur Khata Hoon
Magar Hoon To Tera Banda
Tu Agar Mujhe Nibhale
Teri Banda Parwari Hai.