Qareeb –E- Mustafa Hoon Nisbate Siddiqe Akbar Se

Kalaam of Hazrath Saifuddin Sharfi Sahab (Saif)

Qareeb –E- Mustafa Hoon Nisbate Siddiqe Akbar Se
Hai Dil Ko Rabt Apne Ulfate Siddiqe Akbar Se.

Khalifa Jo Koi Hoga Imaame Waqt Bhi Hoga
Ye Hai Sabit Ali Ki Bay'at –E- Siddiqe Akbar Se.

Sadaqat Sharte Awwal Hai Sadaqat Bhi Na Ho JIsme
Use Kya Waasta Hai Nisbate Siddiqe Akbar Se.

Imaamat Ka Khilafat Ka Judagaana Tasawwur To
Hai Inkaare Sareehi Azmate Siddiqe Akbar Se.

Musalman Hoke Ham Afsos Hain Begana –E- Nisbath
Hain Begaane Yagaane Nisbate Siddiqe Akbar Se.

Mataaye Deen –O- Duniya Hai Raza –E- Mustafa Inko
Yehi Sabit Hua Bas Haalate Siddiqe Akbar Se.

Use Iqraar Kya Ho Saif Aadam Ki Khilafat Ka
Jise Inkaar Hoga Azmate Siddiqe Akbar Se.