Muhammad Mustafa Ka Janasheen Siddiqe Akbar Hai
Kalaam of Hazrath Abdul Qadeer Siddiqui (Hasrath) R.a
Muhammad Mustafa Ka Janasheen Siddiqe Akbar Hai
Bajuz Paighambaron Ke Sab Se Aala Sab Se Bartar Hai.
Zakaat -E- Maal Baade Mustafa Siddiq Ko Dena
Ishara Hi Khilafat Ka Ye Zaahir Balke Azhar Hai.
Padi Buniyad Masjid Ki Rakha Baade Nabi Patthar
Abu Bakr -O- Umar Usman Ne Ye Fazle Daawar Hai.
Muhammad Ki Nabuwwat Me Na Shak Aaya Kabhi Hargiz
Wohi Islam Me Saabiq Wohi Rutbe Me Akbar Hai.
Muhammad Mustafa Par Jab Wahi Aati To Sunte The
Ye Kitna Martaba Siddiq Ka Aala Hai Bartar Hai.
Agar Imaane Siddiq Aur Imaane Jahan Tolein
To Ghalib Sab Pe Ho Siddiq Ka Imaan Ke Akbar Hai.
Omer Ki Nekiyan Itni Hain Jitni Charkh Par Anjum
Omer Siddiq Ki Neki Hai Ye Farmaane Sarwar Hai.
Nahi Pee Mae Kabhi Siddiq Ne Islam Se Pehle
Ye Kaisi Fitrate Aala Hai Aur Tab'e Mutahhar Hai.
Zameen Par Ek Murda Be Iraada Chalta Phirta Hai
Ye Wajhe Isme Abdullah Hai Aur Sirre Muzmir Hai.
Uthaya Sidq Ne Baare Nabuwwat Apni Gardan Par
Wohi To "Saaniyas Nain" Aur Hamraahe Payambar Hai.
Bujhaya Aatishe Ruddath Ko Aabe Teghe Burran Se
Ye Hai Islam Ki Khidmat Ke Jo Kaare Payambar Hai.
Kisi Ne Gar Kiya Ehsaan Mai Ne Kardiya Badla
Jaza Siddiq Ko Dega Khuda Jo Sabse Bartar Hai.
Uhud Me Badr Me Ahzaab Me Jange Taaif Me
Hudaibiyyah Me Har Mauqe Me Hamraahe Payambar Hai.
Pase Murdan Mili Hai Jaa -E- Aaghoshe Muhammad Me
Bana Uss Khaak Se Jiss Khaak Se Jisme Payambar Hai.
Agar Munkir Ho Koi Fazl Se Siddiqe Akbar Ke
Mai Hadde Muftari Maroonga Ye Farmaane Haidar Hai.
Ali -E- Murtaza Ke Qaul Par Hasrath Ka Hai Imaan
Muhammad Mustafa Ka Janasheen Siddiqe Akbar Hai.