Sarshaar Hogayi Hai Nazar Dekhne Ke Baad

Kalaam of Aarif Pasha Quadri Laubali Sahab

Sarshaar Hogayi Hai Nazar Dekhne Ke Baad
Ye Aastana Aur Ye Dar Dekhne Ke Baad.

Duniya Ko Yaad Aayi Sakhawat Rasool Ki
Tujhko Aye Fatima Ke Pisar Dekhne Ke Baad.

Himmat Ko Wajd Aaya Shuja'at Hui Nisaar
Tujhko Ali Ke Laqte Jigar Dekhne Ke Baad.

Khairaat Maangne Lage Jalwe Jamaal Ke
Tujhko Aye Mere Rashke Qamar Dekhne Ke Baad.

Veerane Mere Dil Ke Bhi Aabad Hogaye
Tujhko Nabi Ke Aye Gule Tar Dekhne Ke Baad.

Kisko Hai Intezaar Bahare Bahisht Ka
Baghdad Ki Ye Shaam -O- Sahar Dekhne Ke Baad.

Shaahi Meri Faqeeri Pe Hone Lagi Nisaar
Chaukhat Pe Aapki Mera Sar Dekhne Ke Baad.

Kuch Aur Dekhne Ki Tamanna Nahi Rahi
Ya Ghouse -E- Paak Aapka Dar Dekhne Ke Baad.

Imaan Taaza Hogaya Aarif Khuda Gawah
Aakar Yahan Dua Me Asar Dekhne Ke Baad.

More from Manqabat -E- Bade Peer Sarkar R.A

More kalaam of Aarif Pasha Quadri Laubali Sahab

  • Aap Waliyon Ke Hain Sultan Dastageer
  • Aastan Hai Ye Kis Shaahe Zeeshan Ka
  • Adna Ghulamam Ya Ghouse -E- Aazam
  • Al Madad Peerane Peer
  • Allah Re Kya Bargahe Ghouse -E- Jali Hai
  • Assalam Aye Ghouse -E- Aazam Assalaam