Baroze Hashr Jo Hoga Wo Baat Baaqi Hai

Kalaam of Hazrath Noorani Miyan Ashraf Sahab

Baroze Hashr Jo Hoga Wo Baat Baaqi Hai
Shafa'aton Ke Liye Unki Zaat Baaqi Hai.

Hamein Wo Dekh Ke Mehsar Me Yoon Pukareinge
Wo Kaun Log Hain Jinki Najaat Baaqi Hai.

Nabi Ke Deed Ki Hasrath Thi Phir Qaza Ne Kaha
Abhi Hayaat Ke Aage Hayaat Baaqi Hai.

Abhi Bhi Qabr Me Zinda Hai Rehmate Aalam
Tabhi To Aaj Talak Kayenaat Baaqi Hai.

Ajeeb Shaan Ki Wo Sair -E- La Makaani Thi
Wo Jaake Aa Bhi Gaye Aur Baat Baaqi Hai.

Baroze Hashr Muhammad Ke Khandaan Ke Liye
Gawahi Dene Ko Nehre Furaat Baaqi Hai.

Ye Sirf Ehde Wafa Ki Imaratein Hain Noor
Abhi To Sher Sunayein Hain Naat Baaqi Hai.