Bohot Mash'hoor Hai Ye Waqiya Siddiqe Akbar Ka

Kalaam of Hazrath Madani Sharfi Sahab (Hafeez)

Bohot Mash'hoor Hai Ye Waqiya Siddiqe Akbar Ka
Nabi Ko Saur Me Bhi Saath Tha Siddiqe Akbar Ka.

Mere Sarkar Ne Jo Kuch Kaha Wo Haq Hai Barhaq Hai
Yehi Ailaan Tha Imaan Tha Siddiqe Akbar Ka.

Nabi Ke Deen Ko Jab Jab Zarurath Pesh Aayi Hai
Ta'awwun Har Tarah Har Dam Raha Siddiqe Akbar Ka.

Nabi -E- Mohtaram Ke Ye Khusar Bhi Hain Sahabi Bhi
Muqaam -O- Martaba Batlayein Kya Siddiqe Akbar Ka.

Nabi Ne Khud Amanat Ke Liye Aage Badhaya Hai
Koi Pooche Nabi Se Martaba Siddiqe Akbar Ka.

Zamane Bhar Me Hain Siddiq Ki Baatein Zubanon Par
Kalaame Paak Me Tazkira Siddiqe Akbar Ka.

Hafeez -Ul- Quadri Aapas Me Ranjish Thi Na Fitne The
Hai Wo Daure Khilafath Dekhna Siddiqe Akbar Ka.